Монгол туургатны олон улсын хүүхдийн V наадамд оролцсон Монгол Улсын баг тамирчид спортын найман төрөлд нийтдээ 62 медаль хүртэж, багийн дүнгээр тэргүүлэв.

Уг наадамд Монгол, ОХУ-ын Буриад, БНХАУ-ын ӨМӨЗО-ны өсвөрийн тамирчид спортын найман төрлөөр өрсөлдсөн юм. БНХАУ-ын ӨМӨЗО-ны Хөх хотноо энэ сарын 2-5-нд Монгол туургатны олон улсын хүүхдийн V наадамд оролцсон манай улсын волейболын охидын баг мөнгөн медаль хүртжээ. Тус тэмцээнд манайхаас охидын хоёр баг оролцсон байна. Л.Отгонцэцэг дасгалжуулагчтай, Т.Ариунцэцэг ахлагчтай “MGL-1” баг мөнгөн хүртсэн бол С.Дэлгэрмаа дасгалжуулагчтай, Г.Нарантунгалаг ахлагчтай “MGL-2” баг V байрт шалгарчээ.