Газар газрын мундаг бөө нар Тувад хуран цугларч, 13 бөөгийн дуудлага хэмээх том ёслол үйлджээ. Орос, Монгол, Мексик, Солонгос, Гринланд, АНУ гээд бөөгийн шүтлэгтэй газруудаас бөө нар ирж, байгаль дэлхийгээ аргадан, хүн төрөлхтөний эв нэгдэл сайн сайхны төлөө бөөгийн зан үйлээ гүйцэтгэлээ хэмээн уг ёслолыг зохион байгуулагчид цахим хуудастаа бичжээ.
Тэд Тувагийн ариун дагшин Хорум Даг хэмээх ууланд очиж бөөгийн зан үйлээ хийсэн нь нутгийнханд тийм ч таатай санагдаагүй гэнэ. Тэд шүтлэгт уулынх нь эзэн савдгийг уурлан хилэгнүүллээ хэмээн дургүйцэж байсан тухай Сибирийн нэгэн сонинд бичжээ. Учир нь, бөө нарыг ирсэн орой тэр хавьд маш хүчтэй шуурга болсон гэнэ.