Америкийн гэр бүл судлаач, сэтгэлзүйчид 1950-2009 оны хугацаанд АНУ-д гэр бүл салсан статистик дүнд судалгаа хийж үзээд боловсролтой эмэгтэйчүүд гэр бүлээ амархан салгадаг юм байна гэсэн дүгнэлтэд хүрчээ. Энэ зууны эхээр ийм үзүүлэлт харьцангуй өссөн байна.
Өнгөрсөн зууны 1950-иад онд АНУ-д нөхөр нь ажил хийж, эхнэр нь гэртээ хүүхдүүдээ хардаг гэр бүл зонхилж байж. Тухайн цагт боловсрол өндөртэй эмэгтэйчүүд нөхрөөсөө салах явдал  гардаг байсан болохоор эрчүүд гэр доторхи нэгдүгээрх байр сууриа алдахгүйн тулд ийм сонголт голлодог байсан байна.
Гэтэл 1960-70-аад онд эмэгтэйчүүдийн хөдөлгөөнийхөн бүсгүйчүүдийн эрхийн төлөө тэмцэж эхлэн  гэр бүл дэх боловсролтой эмэгтэйчүүдийн тоо өсч ирсэн гэнэ. Тэр үеэс л боловсролтой эмэгтэйчүүдийн 34 хувь нь нөхрөөсөө салдаг байжээ.
1980-аад оны дундуур америкт эмэгтэйчүүд эрчүүдээс илүүтэй дээд боловсрол эзэмших боллоо. Ийм байдал одоо ч үргэлжилсээр байгаа. 2005-2009 оны статистикаас үзэхэд гэр бүлийн 60 хувьд нь эмэгтэйчүүд илүү боловсролтой болсон байна.
Гэтэл ийм гэр бүлд салж сарних явдал нь дундаж үзүүлэлтээс нэг их өөрчлөгдөхгүй байгаа юм. Тэгэхээр судлаачид 1990-ээд оны дунд үеэс боловсролтой эмэгтэйчүүд гэр бүл салах өргөлөө түрүүлж өгдөг гэсэн дүгнэлтэд хүрчээ.