БНСУ-ын Инчён хотноо зохион байгуулагдаж байгаа Азийн наадмын шүүлтийн маргаан тойрсон асуудлаас болж БНСУ руу зорчих жуулчны визийг ирэх арванхоёрдугаар сар хүртэл олгохгүй болсон гэх мэдээлэл өчигдөр хэд, хэдэн цахим мэдээллийн сайтад тавигдсан юм. Бид энэ талаар БНСУ-аас Монгол Улсад суугаа Элчин Сайдын яамны Визийн асуудал хариуцсан хэлтсийн ажилтнаас тодруулахад “Виз мэдүүлэх дүрэм, журамд ямар ч өөрчлөлт ороогүй. Гадуур цацагдсан мэдээлэл худлаа. Виз хэвийн олгогдож байна” гэж хариуллаа.