Энэхүү тэмдэглэлт үйл явдлыг тохиолдуулан  “Монголын Сууц өмчлөгчдийн холбооны Дээд зөвлөл”-өөс өнөөдөр Төрийн ордонд баярын хурал зохион байгуулав.

Одоогоос 15 жилийн өмнө шинэ тутам байгуулагдаад байсан Сууц өмчлөгчдийн холбоодын захирлууд санаачлан холбоодын үйл ажиллагааг зангидан чиглүүлэх, тэдний эрх ашгийг хамгаалах төрийн бус байгууллага байгуулах санал гарган Улаанбаатар, Дархан-уул, Ховд, Дорнод, Орхон, Хөтөл, Завхан, Баянхонгор, Налайх, Багануур, Хэнтий, Архангай, Өмнөговь зэрэг аймаг, хотын 80 гаруй Сууц өмчлөгчдийн холбооны төлөөлөл оролцуулан анхдугаар Их Хурлыг 1999 оны 1 дүгээр сарын 15-ний өдөр зохион байгуулж  “Монголын сууц өмчлөгчдийн холбооны Дээд зөвлөл”-ийг байгуулсан түүхтэй.

Ойн баярын арга хэмжээнд УИХ-ын гишүүн, “Монголын Сууц өмчлөгчдийн холбооны Дээд зөвлөл”-ийн ерөнхийлөгч Д.Арвин, УИХ-ын гишүүн, Байгаль орчин, хүнс, хөдөө аж ахуйн байнгын хорооны дарга Г.Баярсайхан, Баянгол дүүргийн Засаг дарга Д.Оросоо нар болон “Монголын Сууц өмчлөгчдийн холбооны Дээд зөвлөл”-ийн тулгын чулууг тулалцсан ахмад зүтгэлтнүүд, гүйцэтгэх захирал асан Ш.Жаргалсайхан, Ж.Баяржаргал нар оролцов.