СУИС-иас санаачлан Нийслэл, дүүрэгтэйгээ хамтран жилд хоёр удаа зохион байгуулдаг "Хотын гудамж, Миний баяр" ирэх бямба гаригт буюу 10 дугаар сарын 11-нд Анкарагийн гудамжнаа болох гэж байна!

Энэ өдөр 12.00 цагаас 17.00 цагийн хооронд:СУИС-ийнхан бид хот нийслэлийн соёлд өнгө, хөг нэмж, нийгэм, хүмүүсийн амьдралд ёс ухаарал хайрлана.

Энэ өдөр: СУИС-ийн эрдэмтэн багш нар, оюутан залуус төрөлх хотынхондоо урлагийн гоо сайхныг мэдрүүлнэ.

Энэ өдөр: Мэндлэх хүндлэхээс эхлээд бүх талаар урам хайрлаж нийслэлийн иргэдэд "Нэг хотынхон", "Нэг гудамжныхан", "Би нийслэлийн иргэн", Манайх Чингэлтэй дүүргийн айл", "Анкарагийн гудамжны хөршүүд" гэсэн бахархал, омогшил төрүүлнэ. Юутай сайхан, юутай бахтай.

Нийслэл, Чингэлтэй дүүргийн олон байгууллага, түмэн иргэд Гудамжны баяр, намрын баяраа хүлээн хоног тоолж байгаа.

Бямба гаригт Анкарагийн гудамжинд уулзацгаая!