Өнөө үед ногоон цайны ашиг тусын тухай өдий төдий судалгаа гарч. Эдгээр судалгаагаар хорт хавдрын эсрэг хүртэл идэвхтэй тэмцэх ид шидтэй гэдгийг тогтоосон. Харин турахад ямар ашиг тустай болохыг тайлбарлавал өдөрт гурван удаа ногоон цай уудаг хүмүүсийн бодисын солилцоо дөрвөн хувиар нэмэгддэг болохыг судалгаагаар тогтоожээ. Энэ нь та зөвхөн ногоон цай ууснаар өдөрт 60 калори шатаах боломжтой гэсэн үг. Ногоон цайн дахь катечин хэмээх бодис хүний биеийн бодисын солилцоог идэвхжүүлэгч тархины норепинефриний ялгаруулалтыг нэмэгдүүлдэг аж. Гэхдээ ногоон цай хэт их уух нь дэмий гэсэн зөвлөгөө байдгийг санахад илүүдэхгүй. Ногоон цайг өдөрт 3-4 аяга уугаад бусад цагт нь цэвэр ус хэрэглэж байх нь зөв. Ус уух нь жингээ хасах хүсэлтэй хүмүүс төдийгүй ер нь эрүүл аж төрөхийг хүсдэг хэн бүхний амьдралдаа хэвшүүлэх хамгийн энгийн бөгөөд эхний алхам юм. Тодорхой хугацааны дотор уусан хоёр аяга ус нь бодисын солилцоог 17 хувь хүртэл нэмэгдүүлдэг учир  та өдөрт уудаг усны хэвийн хэмжээг 1,5 литрээр нэмэхэд л жилдээ 17400 калори шатаах боломжтой ажээ.