Нийслэлд урд шөнө гал түймрийн нэг, зөрчлийн найм, орон нутагт гал түймрийн гурван дуудлага иржээ. Тодруулбал, Баянзүрх дүүрэг, “Их Дарь-Эх”-ийн 1 дүгээр гудамжинд иргэн О-гийн байшин,  Дундговь аймгийн Сайнцагаан сумын “Мандал”-ын 10 дугаар гудамжинд иргэн Ц-гийн хашаа, Дорнод аймгийн Хэрлэн сумын “Ялалт”-ын 14 дүгээр гудамжинд О-ын хураалттай өвс,  Архангай аймгийн Эрдэнэбулган сумын “Цагаан даваа”-ны 10 дугаар гудамжинд эзэн нь тодорхойгүй байшин шатажээ. Галын дуудлагаар онцгой байдлын гал унтраах ангиуд очиж ажилласан байна. Дашрамд, ахуйн гал түймэр нь гэрийн цахилгаан шугамын ачааллыг хэтрүүлэх, пийшин, зуухны буруу галлагаа зэргээс шалтгаалан ихэвчлэн гарч байгаа гэнэ. Иймд, иргэн Та галын аюулгүйн дүрэм зааврыг чанд сахих тамхи, шүдэнзээ бүрэн унтраан галтай үнс, нурмыг ил задгай асгахгүй байх, пийшин зуухны галлагаа болон гэр ахуйн цахилгаан хэрэгсэл, шугам сүлжээний ашиглалт угсралтын дүрэм зааврыг зөрчихгүй байх, гэрийн цахилгаан шугамын ачааллыг хэтрүүлж хэрэглэхгүй байх, бага насны хүүхдийг харж хандах, асрах хүнгүй орхихгүй байхыг Онцгой байдлын ерөнхий газраас анхааруулж байна.