2014 оны 09 дүгээр сарын 07-ны өдөр “Бо Бэ” констракшн ХХК-ны туслах ажилтнууд болох Г.Очирбат, Б.Алтан-Очир, А.Одсүрэн нар нь Хан-уул дүүргийн 3 дугаар хороо River Stone-2 барилгын 26А блокын 10 давхарт дүүжин шат буюу люлькан дээр тус барилгын гадна засалын ажил гүйцэтгэж байхдаа дүүжин шатны бэхэлгээ тасарч өндрөөс унаж амь нас хохирсон хэрэг гарсан.

Барилгын аюулгүй ажиллагааг хангах үүрэг бүхий этгээд болох “Бо Бэ” констракшн ХХК-ны захирал Б.Болдбаатар нь “Аюулгүй ажиллагааны журам зөрчсөний улмаас  3 хүний амь нас хохирсон эрүүгийн 2014260004206 дугаартай хэрэгт Хан-Уул дүүргийн Цагдаагийн 1 дүгээр хэлтсээс мөрдөн байцаалтын ажиллагаа явуулж, Дүүргийн 2 дугаар прокурорын газраас Эрүүгийн хуулийн тусгай ангийн 183 дугаар зүйлийн 183.1 дэх хэсэгт зааснаар 2014 оны 11 дүгээр сарын 24-ний өдөр яллах дүгнэлт үйлдэж шүүхэд шилжүүлсэн байна.