Монгол улс гадаад улсуудад амьдарч байгаа монголчуудынхаа эрхийг хамгаалах, ямар нэг гарцаагүй байдал үүссэн тохиолдолд эргүүлэн татахад зориулж тодорхой хэмжээний хөрөнгийг улсын төсөвтөө жил бүр суулгаж иржээ. Тэгвэл ирэх оны төсвийн төслөөр дээрх мөнгө бүрэн хасагдсан байна. Тиймээс 2015 онд гадаадад амьдарч байгаа монголчууд зөвхөн өөртөө найдаж, аятайхан шиг биеэ авч явах хэрэгтэй болох нь. Учир нь ард байгаа эх орон чинь аврах аргагүй боллоо шүү.  Дашрамд дуулгахад жил бүр дээрх зориулалтаар 100 орчим сая төгрөг төсөвлөдөг байжээ.