Нийслэлийн төсвийг хэмнэх бодлого барьж байгаатай холбоотой нийслэлийн харьяа байгууллагуудад бүтцийн өөрчлөлт хийхээр яригдаж байна. Нийслэлийн өмчит хэд хэдэн байгууллагыг нэгтгэснээр төсвийн зарлагыг бууруулахад томоохон нөлөө үзүүлнэ гэж үзэж байгаа аж.

Ирэх оны нийслэлийн төсвөөс 57 тэрбум төгрөг хэмнэх тооцоог хийгээд байгаа бөгөөд хэмнэлтэнд хэд хэдэн байгууллагын бүтцийг өөрчлөлт орсон гэнэ.

Үүнд: Агаарын чанарын албыг Нийслэлийн байгаль орчин, ногоон хөгжлийн газартай нэгтгэж 7 орон тоог цомхотгох, Зуслангийн товчоог татан буулгаж 8 ажилтныг Улаанбаатар хотын захирагчийн ажлын алба руу шилжүүлэх бол “Улаанбаатар” чуулгыг Соёлын төв өргөөтэй, Биеийн тамирын газрыг Соёлын газартай, Байгаль орчны газрыг Агаарын чанарын албатай нэгтгэх юм байна.