Сирийн 1,5 сая дүрвэгсдэд өдөр тутмын хоол хүнсийг нь залгуулж байсан төсөвт мөнгө дуусч, одоо энэ хүмүүс өлсгөлөнгийн ирмэг дээр ирээд байгааг НҮБ-ын “Дэлхийн хүнс” хөтөлбөрөөс мэдэгдлээ. Тус хөтөлбөрөөс цаашид Сирийн дүрвэгсдийн хоол хүнсний санхүүжилтийг гаргаж дийлэхээргүй болсноо зарлаад Леван, Турк, Йорданы хил дээр амьдарч буй дүрвэгсдийн эрүүл мэнд, аюулгүй байдал аюулд орж, улмаар өлсгөлөнд нэрвэгдсэн дүрвэгсэд хөрш орныхоо тогтвортой байдалд эрсдэл учруулж мэдэхээр болсон гэжээ.
Тус хөтөлбөр дайн дажны аюулаас зугтсан 1,6 сая дүрвэгсдэд хүнсний талон олгодог байсан юм. Сирийн эдгээр дүрвэгсэд болоод Хүнсний хөтөлбөрийн бусад үйл ажиллагаанд долоо хоног бүр 35 сая ам.доллар зарцуулах шаардлага гардаг. Гэтэл тус байгууллагын данс бараг хоосорчихоод байгаа учир донор орнуудыг хандив тусламжаа нэмэгдүүлээч хэмээн уриалж байгаа юм.
Хил дээр амьдарч буй дүрвэгсдээс гадна Сири улсад мөн дүрвэхээр бэлтгэж буй гурван сая гаруй хүн байгаа бөгөөд тусламж шаардлагатай 10 сая байгаа аж.