Монголын сэтгүүлчдийн байгууллага МСЭ сүүлийн их хурлаасаа хойш гурван жилийг ардаа үдэж. Их хурлаа хийж тайлангаа тавин удирдлага сонгохоор болсноо МСЭ-ийн ерөнхийлөгч, Соёлын гавьяат зүтгэлтэн Б.Галаарид ингэж хэллээ.

-Энэ жил чинь сэтгүүлчдийн их хурлын жил биз дээ?

-Тийм ээ. Бидний сон¬гуульт хугацаа энэ сарын дундуур дуусна. Гурван жил ажиллачихаж. Их хурлаа ирэх оны нэгдүгээр сарын сүүлийн арав хоногт хийхээр гүйцэтгэх хороо маань нэлээд эрт шийдсэн. Гэхдээ албан ёсоор зарлаагүй байсан.

-Уг нь энэ сард хийх ёстой байсан уу?

-Тийм ээ. Гэхдээ өм¬нөх их хурлаас сургамж аваад оны эхэнд хийхээр болсон. Оны сүүлээр болохоор олон баяр давх¬цана, салбарын шинэ жил, шилдгүүдээ шалгаруулах асуудал давхцана. Шинээр сонгогдсон удирдах бүрэл¬дэхүүн ажлаа барьж авахад хэцүү байдаг. Түүний оронд шинэ он гаргаад, санхүүгийн жилээ бүрэн дуусгаад хуралдах нь зүйтэй гэж үзсэн.