Нийслэлийн иргэдэд газар өмчлөх эрхийг нь хангах зорилгоор Улаанбаатар хотод 52 байршил сонгон газар өмчлүүлэх үйл ажиллагааг явуулж эхлээд байгаа. Эхний ээлжийн таван байршилд бүртгүүлсэн иргэдэд газрыг нь өмчлүүлэх ажиллагаа дууссан аж. Тиймээс энэ сарын 10-нд газар өмчлөх хоёрдугаар шатны бүртгэл эхлэх гэж байна. Хоёрдугаар шатны бүртгэлд иргэд мөн л урьдын адил цахим хэлбэрээр хүсэлтээ илгээж шинээр батлагдсан таван байршлаас сонголтоо хийх юм байна.