ЦЕГ хулгайн замаар хураагдсан эд барааг судалж үзжээ. Хулгайн зүйлсийн 29,2 хувийг компьютер, 28,8 хувийг бэлэн мөнгө, алт, мөнгөн эдлэл, маньетон бөгж, ээмэг, 19,6 хувийг телевизор, 11,2 хувийг гар утас эзэлсэн байна.

Улаанбаатар хотын Цагдаагийн газрын Гэмт хэргээс урьдчилан сэргийлэх газраас " Ломбард" нэгдсэн арга хэмжээ буюу сарын аян зохион байгуулсан юм. Өнгөрсөн сарын хугацаанд хийсэн энэ шалгалтаар нийслэлд үйл ажиллагаа явуулж байгаа 532 ломбард шалгагджээ. Үүний 482 нь зөвшөөрөлтэй, 50 нь зөвшөөрөлгүй байв. Эдгээрийн 148 нь байнгын хамгаалалттай, 352 нь дохиоллын систем, хяналтын дурантай байсан аж. Харин ихэнх бараа нь хулгайн замаар орж ирсэн байсныг цагдаагийнхан илрүүлжээ. Баянгол, Чингэлтэй, Сонгинохайрхан дүүргийн зарим ломбардын хулгайн барааг эздэд нь буцаан олгосон байна. Энэ шалгалтаар цаашид ломбардын журмыг шинэчлэн боловсруулахаар болжээ. Энэ журмыг ломбард эзэмшигчид, цагдаагийн ажилтнууд хамтран боловсруулахаар тохиролцжээ.