Буриадын их сургуулийн Улс төр-нийгэм судлалын төвийн ажилтан Владимир Родионов Монгол Улс, НАТО-гийн хамтын ажиллагаа, хөтөлбөрийг энэ бол Монгол-НАТО-гийн зүгээс Орост шууд цэргийн аюул учруулах зүйл гэж нэрлэсэн байна.
“АНУ зүгээр ч нэг Монголын нутаг дэвсгэрт цэргийн базаа байгуулах гээгүй, үүнийгээ арай зөөлрүүлж Монголтой батлан хамгаалах, цэргийн хамтын ажиллагаагаа өргөтгөж байгаа юм биш” гэж Владимир Родионов энэ сарын 8-нлд “Забинфо” агентлагийн сурвалжлагчийн асуултад хариулахдаа тэмдэглэжээ. Тэрээр “НАТО, Монгол Улсын үйл ажиллагаа нь ОХУ-ын ашиг сонирхолд аюул учруулахгүй гэж үү” гээд хөрш орныхоо НАТО-той хамтран хэрэгжүүлэх “Энхтайван, аюулгүй байдлын төлөө шинжлэх ухаан” хөтөлбөрийг нэрлэжээ.
Энэ хөтөлбөрийн тухайд шинжээч “Нэгдүгээрт энэ бол монголын дайчид Ирак, Афганистанд явуулж байгаа НАТО, түүний холбоотны  ажиллагааг дэмжиж  оролцож байгаагийн үргэлжлэл. 2002 оноос эхлээд монголын хэдэн мянган цэргийн албан хаагч энэ хоёр оронд ажилласан. Монгол-Америкийн албан ёсны бараг бүх дээд хэмжээний уулзалтаар Монголын цэрэг дайчдыг Ирак, Афганистанд алба хаалгах асуудлыг хөндөж ярьж байна”. “Хоёрдугаарт хоёр тал монголын нутагт хамтарсан хээрийн сургууль хийдэг болсон. Хамгийн том жишээ бол 2003 оноос эхлэн “Хааны эрэлд” гэдэг сургуулийг америк-монголын дайчид жил бүр хамтран хийж байна. Пентагоны төсөөллөөр бол энэ хээрийн сургуулийн явцад монголын цэрэг дайчид америкийн цэргийн техник, байлдааны ажиллагааны арга барил, тактиктай танилцаж суралцдаг.
Үүний зэрэгцээ АНУ-ын Конгрессын Судалгааны албаны илтгэлд хоёр орны хамтын ажиллагааг улам өргөтгөх, ялангуяа монголын цэрэг дайчдад англи хэлний мэдлэгийг дээшлүүлэх, Монголын зэсэгт хүчнийг шинэчлэх хөтөлбөр хэрэгжүүлэх, хамтарсан сургуулилтад оролцуулах гэж тэмдэглэсэн байгаа.
“Гуравдугаарт монгол-америкийн цэргийн хамтын ажиллагаа,  ялангуяа НАТО-гийн бүтцээр дамжуулан хэрэгжүүлж байгаа ажлууд нь Монголд ардчиллын үнэт зүйлсийг бэхжүүлэх гол хүчин зүйл болж байна. Монгол офицеруудыг бэлтгэх, хамтарсан сургууль хийх, техник санхүүгийн дэмжлэг, Ирак-Афганистан дахь хамтарсан ажиллагаа зэрэгт америкийн тал Монголд өөрийн үзэл суртлын хэм хэмжээг нутагшуулах гадаад улстөрийн бодлогоо төлөвшүүлэхэд чиглэж байна.
2012 оны тавдугаар сард НАТО-гийн ерөнхий нарийн бичгийн даргын улс төр, аюулгүй байдал хариуцсан орлогч Д.Аппаратурая Монголд айлчлахдаа НАТО, Монголын хамтын ажиллагааны үндсийг “Ардчилал, нэгдэл нягтрал, үнэт зүйл” гэсэн. Өөрөөр хэлбэл НАТО бол Монголд барууны үнэт зүйлсийг нэвтрүүлэх, төлөвшүүлэх институт гэсэн юм.
НАТО-гийн 2010 онд тодорхойлсон “Идэвхтэй оролцоо, орчин үеийн батлан хамгаалал” гэсэн старатегийн үзэл баримтлалд батлан хамгаалах хүчин чадлыг бэхжүүлэх, аюулгүй байдал,  хямралт байдлыг тогтворжуулах явдал хэмээн гурван зүйлээр онцлон тэмдэглэсэн юм” хэмээн шинжээч тэмдэглэжээ. 2012 оны тавдугаар сарын 20-нд Чикагод болсон НАТО-гийн дээд хэмжээний уулзалтад Монгол Улс анх удаа Хамтын ажиллагааны бие даасан хөтөлбөрийн оролцогчийн хэмжээнд оролцсон. Энэ хөтөлбөрт 2012 оны гуравдугаар сард гарын үсэг зурахад НАТО, Монгол Улс хоёр олон улсын аюулгүй байдлыг бэхжүүлэхэд чухал үүрэгтэй, уян хатан хамтын ажиллагааны хүрээнд хамтран ажиллахаар хамгийн түрүүнд хүлээн зөвшөөрсөн юм” гэж шинжээч ярьжээ.