Нийслэлийн Замын цагдаагийн газар, МЗХ-той хамтран өнөөдрөөс эхлэн "Залуусаа архи, согтууруулах ундааны зүйл хэрэглэсэн үедээ автомашин бүү жолоодоорой" гэсэн  уриалгыг дэвшүүлэн олон ажил зохион байгуулахаар болов.
Шинэ жил, цагаан сар гээд нийтээрээ тэмдэглэдэг уламжлалт баярууд ар араасаа үргэлжилж байгаа энэ үед архи, согтууруулах ундаа хэрэглэсэн үедээ амтомашин барьж, авто замын хөдөлгөөнд оролцож өөрийн болоод бусдын биед нөхөж барамгүй гэмтэл учруулах тохиолдол цөөнгүй гарч байгаагаас дээрх байгууллагууд ийн уриалахад хүрчээ. Уншигч та бүхэн ч залуучуудын уриалгыг дэмжиж, энэхүү давалгаанд нэгдэж, өөрийн болон бусдын эрүүл мэнд, амь насыг хамгаалахад хувь нэмрээ оруулна гэдэгт итгэлтэй байна. Нийслэлийн Замын цагдаагийн газар, МЗХ-той хамтран ажиллах санамж бичгийг өнгөрсөн оны тавдугаар сард байгуулжээ. Энэ дагуу хамтын ажиллагаагаа эхлүүллээ.