УИХ-ын Өргөдлийн байнгын хорооны өнөөдрийн хуралдаанаар байнгын хорооны даргыг сонгох тухай асуудлыг хэлэлцлээ.

УИХ дахь МАХН-МҮАН-ын “Шударга ёс” эвслийн бүлгийн дарга Н.Батцэрэг энэ үеэр тус бүлгийн гишүүд байнгын хорооны даргад УИХ-ын гишүүн О.Баасанхүүг сонгуулахаар нэр дэвшүүлж байгааг танилцуулав. Нэр дэвшигчээс асуулт асуух гишүүн байгаагүй бөгөөд “УИХ-ын гишүүн О.Баасанхүүг байнгын хорооны даргаар сонгохыг дэмжье” гэсэн томьёоллоор санал хураалт явуулахад хуралдаанд оролцсон гишүүд санал нэгтэй дэмжиж чуулганы нэгдсэн хуралдаанд танилцуулахаар боллоо. УИХ-ын байнгын хороодын дарга нарыг оны өмнө томилсон ба Өргөдлийн байнгын хорооны өнөөдрийг хүртэл даргаа томилоогүй байгаа юм.