ОХУ-ын Эрхүү хотод мэргэжил дээшлүүлж байгаа монголын ерөнхий боловсролын сургуулиудын орос хэлний багш нар хичээлийнхээ зав чөлөөгөөр Украины дүрвэгсдийн амьдарч байгаа нийгмийн халамжийн төвд зочилж тэнд байгаа хүүхдүүдэд нутгаасаа  авчирсан амттан, бэлэг дурсгалын зүйл гардуулсан байна. Багш нар “талын монголчууд бид Украинд болж байгаа үйл явдлыг сэтгэл эмзэглэн харж байгаа” гэж ярьжээ.
“Бид нэг л газар дэлхий дээр амьдарч байгаа. Энэ дэлхий маань жижгхэн ч гэсэн гайхамшигтай гариг. Хэн нэгэн маань ядарч зүдэрч байвал бид бие биедээ тусалж байх ёстой” гэж монголын нийслэл Улаанбаатар хотын гуравдугаар сургуулийн орос хэлний багш Мядагбадам хэллээ хэмээн vesti.irk.ru сайт мэдээлээ.