Иргэний зориг ногоон намын ээлжит Бага хурал өнгөрсөн бямба гарагт боллоо. Тус хурлаар хэд хэдэн асуудал хэлэлцэж, бүтцийн өөрчлөлт хийсэн байна. ИЗНН-ын Ерөнхий нарийн бичгийн даргаар Б.Хүдэр-Ян сонгогджээ. Тэрээр Ерөнхий сайд асан Д.Бямбасүрэн гуайн хүү. Түүнтэй н.Энхтайван, н.Алтанхуяг нар өрсөлдсөн гэнэ.
ИЗНН-ын 15 жилийн ой энэ жил тохиож байгаатай холбоотойгоор хийх ажил, арга хэмжээний талаар хэлэлцсэн байна. 15 жилийн ойг гуравдугаар сарын 9-нд тэмдэглэхээр тогтож, намынхаа Их хурлыг хуралдуулах аж. Мөн ИЗНН-ын Үндэсний хороо, Улс төрийн зөвлөл, удирдлагуудыг шинээр сонгохоор тогтжээ.   
Түүнчлэн өөр нэг чухал шийдвэр гаргасан нь парламентын гишүүдийн зөвлөл байгуулахаар болсон байна. Энэ нь УИХ-д суугаа хоёр гишүүнээ ажлын албатай болгож, нэгдсэн бодлогоор ажиллана гэсэн үг.