Орхон аймгийн ИТХ-ын ээлжит 22 дугаар хуралдаанаар АН-ын бүлгээс нэр дэвшсэн С.Дангаасүрэнг Засаг даргаар сонгох эсэхийг хэлэлцжээ. Жаргалант сумын Засаг даргаар 2012 оноос ажиллаж байгаа С.Дангаасүрэн нь Орхон аймгийн АН-ын тэнцвэрийг хадгалж чадах хамгийн боломжит нэр дэвшигч гэнэ.

ИТХ-д оролцсон төлөөлөгчдийн 67.7 хувийн саналаар С.Дангаасүрэнг Орхон аймгийн Засаг даргаар сонгож, Монгол Улсын Ерөнхий сайд Ч.Сайханбилэгт өнөөдөр нэрийг нь өргөн барихаар болжээ.
2013 оны Орон нутгийн сонгуулийн дүнгээр тус аймгийн Засаг даргаар сонгогдон ажиллаж байсан Г.Зоригт нь эрүүл мэндийн шалтгаанаар ажлаа хүлээлгэн өгснөөс хойш сар гаруй түүний орлогч Н.Батдорж нь Засаг даргын албан тушаалыг түр хамааран ажиллаж байсан юм.