Н.Нямжаргал

 Энэ сарын 4-ний өдөр Ховд аймгийн Булган суманд шүлхий өвчний сэжиг илэрсэн тухай дуудлага аймгийн мал эмнэлэгт ирсэн байна. Үүний дагуу Улсын мал эмгэлэг ариун цэврийн төв лабораторит шинжлэн үзээд  мал амьтны гоц халварт шүлхий өвчин мөн болохыг тогтоожээ. Өнөөдрийн байдлаар тухайн аймгийн Булган, Үенч суманд  дөрвөн голомтод 26 өрхийн нийт 767 мал өвчилсөн байна.

Үүссэн нөхцөл байдалтай холбогдуулж уг аймагт Онцгой байдлын ерөнхий газар, Засаг даргын тамгын газар болон мал эмнэлэг үржлийн газраас тусгай баг гарган ажиллаж эхэллээ. Булган, Үенч сумдын эрсдэлтэй мал сүргийг шүлхий өвчнөөс урьдчилан сэргийлэх зорилгоор нөөцөд буй 198.7 мян тун вакциныг орон нутагт хүргүүлж вакцинжуулалтын ажлыг өчигдрөөс эхлэхээр боллоо.  Тус аймгийн сумдад хорио цээрийн дэглэм тогтоож, хүн мал болон тээврийн хэрэгслийн хөдөлгөөнийг  хориглов. Мөн шүлхий өвчний голомт, сэжигтэй болон эрүүл бүсийг  сум бүрт тогтоож, байнгын пост ажлуулахаар болжээ.