Аугаа их Эх орны дайны ахмад дайчин, хөлбөмбөгийн “Спартак” багийын хөгжөөн дэмжигч 102 настай Отто Фишерийг Москвад тэмцээн үзээд буцаж ирэхэд нь нэгэн зальтан 730 мянган рублийг нь залилаад авчихсан хэрэг ОХУ-ын Челябинск мужид гарчээ.
Түүнийг Москва орж өөрийн дуртай багуудын тэмцээн үзээд ирсэн хойно нь нэгэн хүн утасдаж өөрийгөө нийгмийн ажилтан гээд Ялалтын баярын мэнд хүргэх гэж байна гэжээ.
Отто Константинович мөнгөө гаргаж тавиад байтал залуу аяга ус хийгээд өгөөч гэхэд өвгөн гал тогоонд ороод гарч иртэл залуу ч байхгүй, мөнгө нь ч байхгүй байжээ.
“Отто Константинович саяхан гаражаа зарсан болохоор мөнгөтэй байсан. Хүүдээ хагасыг нь явуулсан байж мэднэ, гэхдээ л өөрт нь мөнгө байсан” гэж хөршүүд нь ярьсан байна.
Отто өвгөн тэр дороо залуугийн хойноос гарсан ч ололгүй цагдаад мэдэгджээ. Цагдаа нар ч залууг олсонгүй хэрэг үүсгэн мөрдөн шалгаж эхэлсэн байна.