Хүн өдөр бүр кофе юм уу, ногоон цай хэрэглэж байх нь гэнэтийн үхлийн эрсдэлийг бууруулдаг гэж Японы Хавдар судлалын үндэсний  төв мэдээллээ. Тэд 40-69 насны 90 мянган хүн оролцуулан судалгаа хийсний дүнд ийм дүгнэлтэд хүрснээ нийтэлжээ.
Тэд бас сүүлийн 19 жилд нас барагсдын оношид судалгаа хийж задлан шинжилсэн байна. Судалгаанаас харахад өдөрт нэгээс хоёр аяга кофе уудаг хүмүүсийн эрсдэл даруй 15 хувь бага байгаа нь тодорхой болжээ. Өдөрт уух шингэн зүйлийн хэмжээг бүр 3-4 аяга болгох юм бол эрсдэл бүр 24 хувь багасдаг байна.
Өдөртөө таваас доошгүй аяга шингэн зүйл уудаг дунд болон ахимаг насны хүмүүсийн үхлийн эрсдэл эмэгтэйчүүдэд 13, эрчүүдэд 17 хувь багасна гэнэ.
“Кофе, ногоон цай нь бие организмд хэрхэн нөлөөлдгийг бүрэн төгс судалж чадаагүй байгаа ч ямар ч атугай энэ  төрлийн уух юм нь эрүүл мэндэд сайнаар нөлөөлдөг” гэж Токиогийн их сургуулийн профессор Манами Иноуэ хэлсэн байна.
Өмнөд Солонгосын эрдэмтэд ч бас үүнтэй санал нэгдэж өдөрт 3-5 аяга кофе ууж байх нь судасны хатуурал, зүрхний шигдээс болох эрсдэлээс сэргийлнэ гэдгийг судалгаагаар тогтоосноо хэлж байна.