ОХУ-ын Еврейн автономит мужийн Ленинск тосгонд хоёр настай хүүхэд орон сууцны тавдугаар давхраас унаад амьд үлдсэн байна. Жаал зүүн гуя, шилбэндээ гэмтэл авч битүү бэртсэнийг эмнэлэгт хүргэжээ. “Хүүхэд харах хүнгүй гэртээ ганцаар байхдаа тагтан дээр гараад доош унасан байна. Эцэг нь ажилдаа явж, эх нь согтуураад унтаж байжээ. Хүүхэд тагтан дээр гарч, тоосго давхарлан тавиад гадагшаа харах гэж байгаад унасан байна. Одоо жаал хүү эмч нарын хяналтад, амь насанд нь аюулгүй байна” гэж цагдаагийн мэдээлэлд дурджээ. Хууль сахиулагчид хэргийг мөрдөн шалгаж эхэлсэн байна.