Дөрвөн настай охиноо зодож улмаар амь насанд нь хүрсэн гэх хэрэгт сэжиглэгдэж буй Т.Цогт, Г.Маралмаа нарын хэргийг өнөөдөр Дүүргийн Эрүүгийн хэргийн анхан шатны I шүүхэд шүүнэ.
Прокурорын газраас талийгаач охины эцэг Т.Цогтыг охины амь нас аюултай байдалд байхад тусламж үзүүлээгүй, гэмт хэргийг мэдсээр байж зохих байгууллагад мэдээлээгүй хэмээн  Эрүүгийн хуулийн 107.3, 246.1-т зааснаар хэрэг үүсгэн хэргийг шүүхэд шилжүүлсэн. Энэ хэрэгт түүний гэм буруу нь тогтоогдвол  тав хүртэлх жилийн ялаар шийтгүүлнэ.
Харин талийгаач охины хойд эх 27 настай Г.Маралмааг охиныг зодож тархинд нь гэмтэл үүсгэн, уушгийг нь няцалснаар амийг нь хөнөөсөн хэмээн  шүүгчдэгчээр татжээ. Шүүх түүний гэм буруутайг нотолбол  15-25 жилийн хорих ял өгөх юм.