Арабын Нэгдсэн Эмират Улсын нийслэл Абу Даби хотноо 2015 оны энэ сарын 24-27-нд болж буй Дэлхийн эдийн засгийн форумын чуулга уулзалт болж байгаа аж. Тус форумд УИХ-ын гишүүн, НҮБ-ын Байгаль орчны Ассамблейн ерөнхийлөгч С.Оюун, Монгол Улсын Ерөнхийлөгчийн Тамгын газрын дарга П.Цагаан нар оролцож байна. Тэд Дэлхийн эдийн засгийн форумын Уул уурхай, төмөрлөг, усны зөвлөлийн салбар хуралдаанд оролцож буй.

Энэ удаагийн хуралдааны үеэр нийт 80 салбар хуралдаанаар дэлхий нийтэд тулгамдсан асуудлуудын талаар авч хэлэлцэх аж. Салбар хуралдаануудаар Инновацын ирээдүй, Эдийн засгийн өсөлт ба багтаамж, Нүүрсний салбарын тогтвортой хөгжил, Хотуудын ирээдүй, Үйлдвэржилтийн дөрөвдүгээр хувьсгал, Уур амьсгалын өөрчлөлт, Цагаачлал зэрэг сэдвийг хөндөн ярилцах гэнэ.