Сүхбаатар эрүүл мэндийн төвд энэ сарын 21-нд  Эмнэлэг хөдөлмөр магадлах төв комиссын гишүүд, дүүргүүдийн эмнэлэг хөдөлмөр магадлагч комиссын гишүүд, магадлагч эмч,  эрүүл мэндийн төв, өрхийн эрүүл мэндийн төвийн төлөөлөл оролцсон “Эмнэлэг хөдөлмөрийн магадлах комиссын үйл ажиллгаатай танилцах, харилцан туршлага солилцох” нээлттэй хаалганы өдөрлөг боллоо. Энэ өдөрлөгөөр Эмнэлэг хөдөлмөр магадлах комиссын үйл ажиллагаа, санаачлан хийж хэрэгжүүлсэн ажлын тайлан, дүгнэлтийг танилцуулан, харилцан ярилцлага зохион явуулав. Эрүүл мэндийн төв нь дүүргийн иргэд үйлчлүүлэгч, даатгуулагчид, хөгжлийн бэрхшээлтэй иргэдэд ээлтэй орчин бүрдүүлэх чиглэлээр эмнэлэг хөдөлмөр магадлах комиссын хурлын өрөөг  II давхараас I давхарт шилжүүлж,хөгжлийн бэрхшээлтэй иргэдэд зориулж нэг давхарын ариун цэврийн өрөө, сувилалын болон байгууллагын гадна талбайг засаж тохижуулсан нь иргэд үйлчлүүлэгчид, өдөрлөгт оролцогчдын талархлыг хүлээсэн явдал байлаа.