УИХ-ын чуулганы хуралдаанаар Өршөөл үзүүлэх тухай хуульд нэмэлт өөрчлөлт оруулах асуудлыг хэлэлцэж шийдвэрлэлээ. Өнөөдрийн хуралдаанаар,

Хээл хахууль авсан
Төрийн албан тушаалтын албаны эрх мэдэл буюу албан тушаалын байдлаа урвуулан ашигласан
Төрийн албан тушаалтан эрх мэдлээ хэтрүүлэх
Хууль бусаар хөрөнгөжих
Төсвийн хөрөнгийг зориулалтын бусаар зарцуулах гэмт хэрэг үйлдсэн, дээрх хэрэгт шалгагдаж байгаа болон яллагдсан иргэдийг өршөөхгүй байх өөрчлөлтийг орууллаа.
Харин бусдын эд хөрөнгийг завшиж үрэгдүүлсэн гэмт хэргийг өршөөх нь зүйтэй гэдэг саналыг олонхи гишүүн дэмжсэн юм.

УИХ-ын дарга З.Энхболд “Хууль өнөөдрөөс хэрэгжиж эхэлнэ гэдгийг онцлон сануулъя. Маргааш өглөөний чуулганы хуралдаанд хуулийн эцсийн найруулгыг уншиж танилцуулна” гэлээ.