БНХАУ-ын дарга Си Зиньпиний урилгаар тус улсад төрийн айлчлал хийж
буй Монгол Улсын Ерөнхийлөгч Ц.Элбэгдорж, гэргий Х.Болормаа нар дагалдан
яваа төлөөлөгчдийн хамт БНХАУ-ын ШаньСи мужийн Си Ань хотын түүх
соёл, хөгжил цэцэглэлтэй танилцан тус мужийн даргатай уулзжээ.
Өнөөдөр үдэд Монгол Улсын Ерөнхийлөгч Ц.Элбэгдорж болон гэргий Х.Болормаа Бээжинд хүрэлцэн ирж 16 цагт БНХАУ-ын АИХ-ын ордонд БНХАУ-н дарга Си Зиньпинтэй уулзан, Хятад, Монголын харилцаа, хамтын ажиллагааны баримт бичигүүдэд гарын үсэг зурах ёслолын ажиллагаанд оролцох юм.
Мөн БНХАУ-ын дарга Си Зиньпин тэргүүн хатагтай Пөн Ли Юань нар Монгол Улсын Ерөнхийлөгч Ц.Элбэгдорж, гэргий Х. Болормаа нарт өнөө орой хүндэтгэлийн зоог барих аж.
Маргааш буюу 11 дүгээр сарын 11-ний өдөр Монгол Улсын Ерөнхийлөгч Ц.Элбэгдоржид БНХАУ-ын Ардын Их Хурлын дарга Жан Дө Зянь, Төрийн Зөвлөлийн Ерөнхий сайд Ли Көцянь нар бараалхах юм.
Мөн айлчлалын бүрэлдэхүүн Бээжин хотноо “Хааны өвлийн ордон музей”-г үзэж сонирхох юм байна.
