АНУ-ын Азийн сан, Улаанбаатар хотын Захирагчийн ажлын албатай хамтран “Улаанбаатар хотын эмэгтэйчүүдийн бизнес төв” төсөл хэрэгжүүлнэ.  

Тус төв нь  бизнес эрхлэгч эмэгтэйчүүдэд санхүүгийн болон шинэ техник технологийн талаар мэдлэг олгон, дэмжлэг тусламж үзүүлэх юм байна. Эмэгтэйчүүд эрэгтэйчүүдийн  адил эдийн засгийн боломжуудыг ашиглан, бүтээмжтэй ажиллахад саад болж буй бэрхшээлүүдийг арилгаснаар эдийн засгийн хөгжилд тэдний оролцоо нэмэгдэнэ хэмээн албаныхан үзэж байна. Дэлхийн ихэнхи орнууд эмэгтэйчүүдийн нийгэмд эзлэх байр суурийг сайжруулах нь эдийн засгийн үр ашгаас гадна нийгэм, соёлын өндөр ач холбогдолтой гэж үздэг байна.