Газрын тос боловсруулах үйлдвэрийн бүтээн байгуулалтыг эрчимжүүлэх ажлын хэсгийг дэд сайд Б.Мөнхтамир ахална
“ЭРДЭНЭС ТАВАНТОЛГОЙ” ХК-ИЙН АЖИЛТНУУД “БОНЗ”-ЫН СУРГАЛТАД ХАМРАГДЛАА
Монгол Улсын хөгжлийн тэргүүлэх чиглэл нь боловсрол гэдгийг Ерөнхий сайд онцлов
Зөвшөөрөл олгох үйл ажиллагаанд үүсдэг хүндрэл, олон давхар шат дамжлагыг бууруулах эрх зүйн зохицуулалтыг бүрдүүллээ
Т.Балжинням: Баавгай агнах зөвшөөрөл олгосноос хойш зургаан баавгай агнасан
УИХ-ын дарга С.Бямбацогт: Утааг бууруулах биш, утаанаас бүрэн салах зорилготой ажлын хэсэг байгууллаа
Дэлхийн эмэгтэй парламентчид Улаанбаатарт чуулна
ЯМААНЫ ГОДРОН ӨВЧНӨӨС УРЬДЧИЛАН СЭРГИЙЛЭХ ВАКЦИНЫГ ДОТООДДОО ҮЙЛДВЭРЛЭХЭД ШААРДАГДАХ 1.5 ТЭРБУМ ТӨГРӨГИЙГ ШИЙДВЭРЛЭЛЭЭ
Эрхүүд үүссэн нөхцөл байдалтай холбогдуулан эрсдэлийн үнэлгээ хийжээ
2026 оны III улирлын байдлаар 7.415.455 зөрчил бүртгэгджээ
УИХ-ын дарга З.Энхболд ОХУ-ын Уралын холбооны их сургуулийн төлөөлөгчдийг хүлээн авч уулзав
Монгол Улсын Их Хурлын дарга Зандаахүүгийн Энхболд өнөөдөр /2015.11.26/ ОХУ-ын Уралын Холбооны Их Сургуулийн Нэгдүгээр проректорын орлогч Александр Владимирович Пономарев тэргүүтэй төлөөлөгчдийг хүлээн авч уулзав.
Уралын Холбооны Их Сургуулийн Нэгдүгээр проректорын орлогч А.В.Пономарев хэлэхдээ, Монгол Улсын Их Хурлын дарга З.Энхболд та өнгөрсөн 09 дүгээр сард ОХУ-д хийсэн албан ёсны айлчлалын үеэр Свердловск муж дахь Уралын Холбооны Их Сургуульд зочилсон, үүний үр дүнд өнөөдөр бид хамтран ажиллах боломж, арга замыг судалж, хэлэлцээ хийхээр хүрэлцэн ирээд байна. 1980-аад оны үед монголын 420 гаруй оюутан Уралын Холбооны Их Сургуульд суралцаж байсан бол өнөөдөр 23 оюутан суралцаж байна. Иймд бид боловсролын салбарт хамтын ажиллагаагаа өргөжүүлэх үүднээс ОХУ-ын их, дээд сургуулийн профессор багш нарыг Монгол Улсын их, дээд сургуулиудад урьж багшлуулах, орос хэлтэй боловсон хүчин бэлтгэх, мөн хоёр улсын аспирантур, докторантуруудын судалгааны ажилд нь дэмжлэг үзүүлэхийг зорьж байна гэлээ. Мөн тэрээр ОХУ-ын Уралын Холбооны Их Сургууль нь онлайн буюу зайны сургалт амжилттай явуулдаг талаар танилцуулав.
Уулзалтын үеэр Улсын Их Хурлын дарга З.Энхболд, ОХУ-ын их, дээд сургуулийн профессор багш нарыг Монгол Улсын их, дээд сургуулиудад урьж багшлуулах, мөн уул уурхай, металлургийн боловсруулах үйлдвэрлэлийн нарийн мэргэжлийн боловсон хүчин бэлтгэх талаар санал солилцов. Түүнчлэн ШУТИС зэрэг их, дээд сургуулийн оюутнуудад орос хэлний болон бусад гадаад хэлний сургалтыг гүнзгийрүүлсэн хөтөлбөрөөр явуулах, ОХУ-ын их, дээд сургуулиудын дэргэдэх аспирантур, докторантурт монголын уул уурхай, металлургийн салбарын мэргэжилтнүүдийг эчнээгээр болон өдрөөр сургах боломжийг нэмэгдүүлэх талаар ярилцлаа.
Уулзалтад Боловсрол, соёл, шинжлэх ухааны яам, Монгол Улсын Их Сургууль, Шинжлэх Ухаан Технологийн Их Сургууль, ОХУ-ын Уралын Холбооны Их Сургууль төгсөгчдийн холбооны төлөөлөл болон албаны бусад хүмүүс байлцлаа.
Уралын Холбооны Их Сургуулийн Нэгдүгээр проректорын орлогч А.В.Пономарев хэлэхдээ, Монгол Улсын Их Хурлын дарга З.Энхболд та өнгөрсөн 09 дүгээр сард ОХУ-д хийсэн албан ёсны айлчлалын үеэр Свердловск муж дахь Уралын Холбооны Их Сургуульд зочилсон, үүний үр дүнд өнөөдөр бид хамтран ажиллах боломж, арга замыг судалж, хэлэлцээ хийхээр хүрэлцэн ирээд байна. 1980-аад оны үед монголын 420 гаруй оюутан Уралын Холбооны Их Сургуульд суралцаж байсан бол өнөөдөр 23 оюутан суралцаж байна. Иймд бид боловсролын салбарт хамтын ажиллагаагаа өргөжүүлэх үүднээс ОХУ-ын их, дээд сургуулийн профессор багш нарыг Монгол Улсын их, дээд сургуулиудад урьж багшлуулах, орос хэлтэй боловсон хүчин бэлтгэх, мөн хоёр улсын аспирантур, докторантуруудын судалгааны ажилд нь дэмжлэг үзүүлэхийг зорьж байна гэлээ. Мөн тэрээр ОХУ-ын Уралын Холбооны Их Сургууль нь онлайн буюу зайны сургалт амжилттай явуулдаг талаар танилцуулав.
Уулзалтын үеэр Улсын Их Хурлын дарга З.Энхболд, ОХУ-ын их, дээд сургуулийн профессор багш нарыг Монгол Улсын их, дээд сургуулиудад урьж багшлуулах, мөн уул уурхай, металлургийн боловсруулах үйлдвэрлэлийн нарийн мэргэжлийн боловсон хүчин бэлтгэх талаар санал солилцов. Түүнчлэн ШУТИС зэрэг их, дээд сургуулийн оюутнуудад орос хэлний болон бусад гадаад хэлний сургалтыг гүнзгийрүүлсэн хөтөлбөрөөр явуулах, ОХУ-ын их, дээд сургуулиудын дэргэдэх аспирантур, докторантурт монголын уул уурхай, металлургийн салбарын мэргэжилтнүүдийг эчнээгээр болон өдрөөр сургах боломжийг нэмэгдүүлэх талаар ярилцлаа.
Уулзалтад Боловсрол, соёл, шинжлэх ухааны яам, Монгол Улсын Их Сургууль, Шинжлэх Ухаан Технологийн Их Сургууль, ОХУ-ын Уралын Холбооны Их Сургууль төгсөгчдийн холбооны төлөөлөл болон албаны бусад хүмүүс байлцлаа.
0 Сэтгэгдэл
