Иргэдэд орон сууцны 8%-ийн хүүтэй ипотекийн зээл өгөхийг банкууд зогсоогоод байгаа билээ. Тэгвэл шинэ оны босгон дээр УИХ-ын дарга З.Энхболд ард иргэдэддээ таатай мэдээ дуулган ийн амлав.
Тэрээр өөрийн нүүр номдоо бичихдээ "8% ипотекийн зээлийг зогсоосны харгайгаар Буянт-ухаа 2 хороололд орох байсан 1620 айл байрандаа орж чадсангүй. МАН-ын "НҮГЭЛ" гэж яриад байгаа 8% зээлийн асуудлыг АН ард түмнээ орон сууцтай болгох, барилгын салбараа ажилтай байлгах, утаанаас салах хамгийн зөв зам гэж санаачилсан. Үндсэн хуулийн цэцийн шийдвэр гарахаас өмнө хэвийн явж байсан ажил. УИХ энэ асуудлыг яаралтай горимоор шийдэж 8% зээл удахгүй сэргэнэ." гэсэн юм.