Индонезийн нийслэл Жакарт хотноо өөр хоорондоо хоёр минутын зайтай зургаан ч удаа дэлбэрэлт болж таван хүний амь үрэгдлээ. Нэг дэлбэрэлт  НҮБ-ын байрнаас холгүй орших худалдааны том Sarinah төвийн өмнө болж дараа нь хууль сахиулагчид, гэмт этгээдүүдийн хооронд буудалцаан болжээ.
Үүний дараа тун удалгүй Турк, Пакистаны элчин сайдын яамны дэргэд дэлбэрсэн байна. Үйл явдал болсон газрыг цагдаагийнхан бүслээд байн байн буун дуу сонсогдож байна. Энэ орчимд олон зочид буудал, гадаадын ЭСЯ, албан байрууд байдаг юм гэнэ.

Энэ бүхэн  террорист халдлага гэж Индонезийн ерөнхийлөгчийн төлөөлөгч Дино Патти Жалал хэлсэн байна.
НҮБ-ээс тус бүсэд суудаг төлөөлөгч Жереми Дуглас хамгийн эхний дэлбэрэлтийг  амиа золиослогч үйлдсэн гэж  твиттертээ бичжээ.