ОХУ-ын нийслэл Москва хотын метронд нэгэн эр цусны өнгөтэй шингэн соруулчихсан тариур бариад өөрийгөө ХДХВ-ийн халдвар авсан, одоо өөрийнхөө энэ цусаар та нарт ХДХВ халдаана гэж заналхийлжээ.
“Түүнтэй би тролейбусанд таарсан. Түүнийг заналхийлээд хашгираад байхаар олонхи хүн тэндээс бууцгааж метро руу ороход тэр тэнд бас л хашгирч хүмүүсийг айлгаж байсан“ гэж үйл явдлыг нүдээр үзсэн Юрий Орехов гэгч ярьжээ. Тэрээр “Үнэхээр цусаа шахчих байх гэж би л хувьдаа айсан. Тариурт нь яг цус шиг улаан шингэн байсан” гэж нэмж хэлсэн байна.
Метроны цагдаагийнхан энэ танхай эрийг эрэн сурвалжилж эхэлжээ.
Харин Эрүүл Мэндийн яамнаас танхай нөхрөөс болж сандралд орох хэрэггүй,  ямар нэг юм болбол ХДХВ-ийн шинжилгээний төвд яаралтай хандаж шинжлүүлэх хэрэгтэй гэж зөвлөжээ.