Дэлхийн шинэ дайн сансрын хог хаягдлаас болж гарч мэднэ гэж Оросын Шинжлэх ухааны академийн эрдэмтэд үзэж байна. ОХУ-ын ШУА-ийн ажилтан Виталий Адушкин өөрийн илтгэлдээ сансарт өмнө хөөргөсөн хиймэл дагуул, хөлгүүдийн хаягдал, бусад хог нь тойрог замд хяналтгүй явж байгаад  цэргийн хиймэл дагуулд гэмтэл учруулж магадгүй гэсэн байна. Ингэх юм бол цэргийн хиймэл дагуулаас янз бүрийн дохио өгч энэ нь улс орнуудын хооронд улс төрийн хямрал үүсгэн улмаар дайнд хүрч магадгүй юм гэжээ.
ОХУ-ын ШУА-ийн мэдээгээр бол өнөөдөр сансрын тойрог замд хиймэл дагуул, сансрын хөлгийн 20 мянга гаруй хэсэг, хэлтэрхий, бусад хог хаягдал байгаа юм байна. Тэдний хамгийн жижиг нь гэхэд л цагт 34500 км-ийн хурдтайгаар дэлхийг тойрч байдаг гэжээ.
Сансрын хог хаягдлын тоо 1960-аад оныхоос өнөөдөр бараг хоёр дахин ихсээд байгаа юм байна.