ОХУ-ын Төрийн думын хуралдаанаар Монголын өрийг чөлөөлөх тухай хэлэлцээд анхны хэлэлцүүлгээр депутатуудын олонхи нь дэмжсэний дараа Думын депутат Дмитрий Гудков facebook-тээ ингэж бичжээ.

"175 сая долларыг /яг 174,2 сая/  Дум өнөөдөр Монголд бэлэглэлээ. Яахав улсын хэмжээнд бол тийм ч мэдэгдэхүйц их биш байж болох юм, гэхдээ Монгол чинь Украинаас юугаараа дээр юм гэдгийг би ойлгохгүй байна. Баруун хөршийгөө болохоор сүүлчийн торхыг нь шавхаад авдаг атлаа дорнынхоо хөршид “хааны хүрмийг тайлаад өгдөг нь” сонин юм.
Монголчууд төлөхгүй байсан ч хэн ч  юу ч хэлэхгүй. Одоо тэгээд алсын тээврийн жолооч шиг “Платонд битгий төл, тэртэй тэргүй тэр чөлөөлчихнө ” гэх үү.
Өөр бас нэг асуудал бол Хятад бас Монголын өрийг чөлөөлөх үү. Хятад өөрсдөө монголын нутгаар оросын хил хүртэл зам тавьж байхад уу. Монголын хилийн хотод саяхан Хятад-Монголын найрамдлын хөшөө босгосон байсан. Энэ хотынхон баргаараа оросоор ярьдаг байхад шүү дээ.
Өнөөдрийн энэ шийдвэрээс үүдээд надад олон асуулт байна л даа. Хятадад ойгоо түрээсээр өгөөд л, арлаа бас өгөөд л.....бүхий л зүйлээ хөршдөө сул өгөөд байдаг нь манай геополитик юм уу.
Энэ бол Думын өнөөдөр баталсан хамгийн уршигтай хоёр хуулийн нэг нь. Манай оросын хүн бүрт ногдох 100 рублийг ингээд л арчаад хаячихлаа шүү дээ.
Хамгийн гол нь Украиныг боомилж болно, тэглээ гээд Уралд ногоо ургах юм уу" гэж бичжээ.