Тайландын төвийн болон умард нутгаар хэт хүйтэрсний улмаас 21 хүн амь алдлаа гэж тус улсын Байгалийн гамшгаас сэргийлэх газар мэдээллээ. Амь алдагсдын ихэнх нь архаг хууч өвчтэй байснаас  цаг уурын энэ гэнэтийн өөрчлөлт, цочир хүйтрэлийг давж чадалгүй өөд болсон гэж Bangkok Post дамжуулжээ.
Энэ нутгаар агаарын температур шөнөдөө нэмэх 2-1  градус болсон бол уулархаг нутгаар бүр хасах градус зааж байгаа гэнэ.

Тайландын хувьд  ийм градус бараг тохиодоггүй болохоор хүмүүс гудамж, орон байрандаа ил гал түлж үүнээсээ болоод түймэр гарах эрсдэл өндөр байгаа юм байна. Сургуулиуд гэхэд л сурагчдаа дааруулахгүйн тулд  хавтгай төмөр дээр гал түлэн утааг нь цонхоороо гарган хичээллэж байгаа гэнэ.