“GROW WITH GOOGLE MONGOLIA” ХӨТӨЛБӨРИЙН 2026 ОНЫ НЭЭЛТИЙН АРГА ХЭМЖЭЭ ЗОХИОН БАЙГУУЛАГДЛАА
У.Хүрэлсүх: Монгол цэргийн өдөр бол бахархал-хүндэтгэлийн өдөр
Г.Билгүүн: Нийтийн тээврийн салбарыг 2027 оноос өөрийн орлогоор санхүүжих буюу корпорацын зарчимд шилжүүлэх талаар судалж байна
ОТГОНТЭНГЭРИЙН ӨВӨР, АРЫГ МОНГОЛ УЛСЫН АЯЛАЛ ЖУУЛЧЛАЛЫН БҮСЭЭР БАТЛУУЛАВ
Үндэсний баялгийн сангийн үр өгөөжийг иргэддээ тэгш, шударга хуваарилах зарчим, зарцуулалтын талаар хэлэлцлээ
100 айлд байрлах барилгын материалын дэлгүүр шатжээ
Дулааны тавдугаар цахилгаан станц төслийн бүтээн байгуулалтын бэлтгэл ажлыг хангаж байна
Барилгын ажил нь удаашралтай байгаа 10 сургууль, цэцэрлэгийг 2026-2027 онд ашиглалтад оруулахыг үүрэг болгов
Уран бүтээлчдэд бүдүүлэг, садар самуун үг хэллэгийг олон нийтэд түгээхээс татгалзахыг зөвлөлөө
ДОХ, сүрьеэгийн үндэсний хөтөлбөрүүдэд олон улсын хамтарсан үнэлгээ хийгдэж эхэлжээ
ИЗНН, МҮАН-тай нэгдэхээр Ардчилсан нам санал хүргүүллээ
Ардчилсан намын Гүйцэтгэх зөвлөл өнөөдөр хуралдаж, ИЗНН (Иргэний зориг-Ногоон нам) болон МҮАН (Монголын үндсэний ардчилсан нам)-уудад нэгдэх санал хүргүүлэхээр болсон байна. Энэ шийдвэрийн дагуу Ардчилсан намын ЕНБД-ын үүрэг гүйцэтгэгч Л.Эрхэмбаяр ИЗНН-ын ЕНБД Б.Хүдэр-Янд нэгдэх саналаа гардуулан өглөө.
Тус саналд “Монгол Улсад ардчилсан, хүмүүнлэг, иргэний нийгмийг байгуулах үйл хэрэгт Иргэний зориг-Ногоон нам чухал үүрэг гүйцэтгэж, бодит хувь нэмэр оруулан ажиллаж байгаа ардчилсан үзэл баримтлал бүхий улс төрийн нам гэж Ардчилсан нам үнэлж, дүгнэдэг. Иргэний зориг-Ногоон нам нь Монгол Улсын Их Хурлын удаа дараагийн сонгуульд амжилттай оролцож, тус намын гишүүд Улсын Их Хурал болон Засгийн газарт гишүүнээр хамтран ажиллаж ирлээ. Энэхүү хамтын ажиллагааны үр дүнг үндэслэн Монгол Улсад хууль дээдэлсэн, ардчилсан төрийн тогтолцоог бэхжүүлэх, Монгол Улсын улс төр, нийгмийн ирээдүйн хөгжлийг хангах зорилгоор Иргэний зориг-Ногоон намыг Ардчилсан намд нэгдэн ажиллах саналыг хүргүүлж байна. Иймд Улс төрийн намын тухай хууль болон тус тусын намын дүрмийн хүрээнд ажлын хэсэг томилон хэлэлцээр хийхийг Ардчилсан намаас Иргэний Зориг-Ногоон намд санал болгож байна” гэжээ.
Иргэний Зориг-Ногоон Намын ЕНБД Б.Хүдэр-Ян энэ үеэр “Саналыг хүлээн авлаа. Манай хоёр нам олон жилийн турш хамтран ажиллаж ирсэн. Энэхүү албан саналыг бид намын дүрмийнхээ дагуу хэлэлцэж зохих шийдвэр гаргах болно” гэсэн байна.
Энэ өдөр бас АН-ын дарга З.Энхболд МҮАН-ын Д.Батцэрэгт мөн нэгдэх тухай саналаа гардуулж өгсөн байна.
Ардчилсан намын Гүйцэтгэх зөвлөл өнөөдөр хуралдаж, ИЗНН (Иргэний зориг-Ногоон нам) болон МҮАН (Монголын үндсэний ардчилсан нам)-уудад нэгдэх санал хүргүүлэхээр болсон байна. Энэ шийдвэрийн дагуу Ардчилсан намын ЕНБД-ын үүрэг гүйцэтгэгч Л.Эрхэмбаяр ИЗНН-ын ЕНБД Б.Хүдэр-Янд нэгдэх саналаа гардуулан өглөө.
Тус саналд “Монгол Улсад ардчилсан, хүмүүнлэг, иргэний нийгмийг байгуулах үйл хэрэгт Иргэний зориг-Ногоон нам чухал үүрэг гүйцэтгэж, бодит хувь нэмэр оруулан ажиллаж байгаа ардчилсан үзэл баримтлал бүхий улс төрийн нам гэж Ардчилсан нам үнэлж, дүгнэдэг. Иргэний зориг-Ногоон нам нь Монгол Улсын Их Хурлын удаа дараагийн сонгуульд амжилттай оролцож, тус намын гишүүд Улсын Их Хурал болон Засгийн газарт гишүүнээр хамтран ажиллаж ирлээ. Энэхүү хамтын ажиллагааны үр дүнг үндэслэн Монгол Улсад хууль дээдэлсэн, ардчилсан төрийн тогтолцоог бэхжүүлэх, Монгол Улсын улс төр, нийгмийн ирээдүйн хөгжлийг хангах зорилгоор Иргэний зориг-Ногоон намыг Ардчилсан намд нэгдэн ажиллах саналыг хүргүүлж байна. Иймд Улс төрийн намын тухай хууль болон тус тусын намын дүрмийн хүрээнд ажлын хэсэг томилон хэлэлцээр хийхийг Ардчилсан намаас Иргэний Зориг-Ногоон намд санал болгож байна” гэжээ.
Иргэний Зориг-Ногоон Намын ЕНБД Б.Хүдэр-Ян энэ үеэр “Саналыг хүлээн авлаа. Манай хоёр нам олон жилийн турш хамтран ажиллаж ирсэн. Энэхүү албан саналыг бид намын дүрмийнхээ дагуу хэлэлцэж зохих шийдвэр гаргах болно” гэсэн байна.
Энэ өдөр бас АН-ын дарга З.Энхболд МҮАН-ын Д.Батцэрэгт мөн нэгдэх тухай саналаа гардуулж өгсөн байна.
0 Сэтгэгдэл
