АНУ-ын Ерөнхийлөгчийн сонгуульд Бүгд найрамдах нам болон Ардчилсан намын нэр дэвшигч хамгийн ширүүн өрсөлдөөн үзүүлэх нь тодорхой. Тэгвэл “Айова” өчигдөр өглөө хоёр намын өрсөлдөгчдийг харьцуулсан сонгуулийн өмнөх урьдчилсан рейтингийг гаргасан байна. Цахим хэлбэрээр явагдсан энэхүү санал хураалт нь нийгмийг сонгуульд бэлэн эсэхийг шалгахын зэрэгцээ намуудын байдлыг тодорхойлжээ. Бүгд найрамдах намаас Круз 28 хувийн санал, Трамп 24 хувь, Рубио 23 хувь тус тус авсан байна. Харин Ардчилсан намаас хатагтай Клинтон 50 хувь, Сандерс 49 хувь, О Малэй нэг хувийн санал авсан аж. Нам дотроо иймэрхүү дүр зураг ажиглагдсан нь гол өрсөлдөөн Круз болон Клинтон нарын хооронд өрнөж магадгүй болж. Намууд хоорондоо өрсөлдөнө гэхээс илүүтэй хатагтай Хиллари Клинтоны рейтинг хамгийн өндөр байгааг энэ удаагийн санал асуулга харуулсан аж. Ирэх арваннэгдүгээр сард АНУ-ын дараагийн Ерөнхийлөгч тодорхой болно. Улс төрийн мэдлэг гэхээсээ илүүтэй олон улсад нэр хүндтэй, гадаад бодлого дээр туршлагатай хүнийг АНУ-ын иргэд сонгох болов уу. Учир нь эдийн засгийн гол багана болсон ам.долларын бодлого, дэлхийн эдийн засгийн гол тоглолтыг авч явах хүн АНУ-д хэрэгтэй.