Засгийн газар дахь МАХН-ын квотоор Эрүүл мэнд, спортын сайдын алба хашиж байгаад олон зуун сая төгрөгийн авлига авч байгаад газар дээрээ баригдсан Г.Шийлэгдамба энэ мөнгөө намын санхүүжилтэд зориулж авсан, хагасыг нь өгч амжаагүй байсан гэж мэдэгдээд Н.Энхбаяр даргыгаа нэг мөсөн хөнтөрсөн.

Гэтэл энэ дуулиан намажаагүй байхад Н.Энхбаярыг буруутаж будилж шоронгийн хаалга татаж байхад өмгөөлөгч нь байгаад үүнийхээ хүчинд УИХ-ын гишүүний суудалд заларсан О.Баасанхүү “МАХН-д сайдын суудал ямар үнэтэй байдгийг зарлана” гэж жиргэлээ. Гэхдээ тэрээр шууд зарласангүй, хоёрдугаар сарын  4-нд зарлана гэнэ.

Нэгэн цагт Монгол Улсыг захирч МАН гэдэг намыг улстай хамт авлигад живүүлэн албан тушаалын үнэ ханшийг тогтоож явсан Н.Энхбаярын эсрэг үзэл МАХН-д шүглэчихэв үү.....

Сайд, дэд сайд, агентлагийн даргын суудлыг тогтсон үнэ ханшаар борлуулж намаа санхүүжүүлж, өөртөө авлига авдаг явдал Н.Энхбаярыг Ерөнхий сайд байх 2000 оны үеэс МАН-д жишиг болж, энэ нь өнөө хүртэл улам боловсронгуй болон үнэ ханш нь өссөөр ирсэн билээ.