ОХУ тээврийн “Казань-60” гэдэг тээврийн хөлөг онгоцоор Сирид зэвсэг, цэргийн тоног төхөөрөмж нийлүүлж байна гэж Стокгольм дахь Энхтайван судлалын олон улсын хүрээлэнгийн тайланд бичжээ.
Урьд нь “Георгий Агафонов” нэртэй байсан энэ хөлгийг Украин улс 2015 онд Орост заржээ.
Хэргийн учир нь энэ хөлөг 2015 нод Монголын далбаан дор бүртгэлтэй байсан болохоор шинэ эзэмшигчдээ энэ нэрээр очсон байна.

“Георгий Агафонов” хөлгийг 2015 оны зун украины тал худалдахдаа монголын далбаан дор явдаг тэр чигээр нь шинэ эзэнд нь шилжүүлж. ОХУ-ын тал бүр анхаасаа энэ хөлгийг тэнгисийн цэргийн флотдоо ашиглаж Монголын далбаан дор “Сири лүү  тээвэр хийхэд” ашиглах сонирхолтой байсан байж мэдэх юм”. 2015 оны аравдугаар сард ОХУ хөлгийн нэрийг “Казань-60” болгоод Новороссийскт авчирсан атал ердөө долоо хоногийн дараа Севастопольд ОХУ-ын Тэнгисийн цэргийн флотын мэдэлд авчихсан байсан” гэж Стокгольмын  төвийн мэдээлэлд дурджээ.

“Георгий Агафонов” хөлгийг 1987-88 онд Австрид Зөвлөлтийн төслөөр барьсан, ийм загварын 10 хөлгийн хамгийн гол нь юм байна. ЗХУ задарсны дараа хөлөг Украин-Дунайн флотод шилжээд дараа нь Украинаас Орост худалдсан цор ганц хөлөг нь юм байна.