Ази-Европын парламентын түншлэлийн есдүгээр уулзалт ирэх сарын 21-22-нд Улаанбаатарт болно. Энэ бол АСЕМ-ын дээд түвшний уулзалтыг угтсан есөн арга хэмжээний эхнийх нь юм. Энэхүү уулзалтад 23 орны парламентын 100 гаруй гишүүн оролцохоор бүртгүүлээд байгаа гэдгийг  УИХ-ын Тамгын газрын ерөнхий нарийн бичгийн дарга Б.Болдбаатар өчигдөр танилцууллаа. “Ази, Европын парламентын гишүүдийн үүрэг оролцоо” сэдвээр болох уулзалтаар улс төр нийгэм эдийн засгийн хүрээнд парламентын үүрэг оролцоо, хамтын ажиллагааг хэлэлцэж, үр дүнг нь АСЕМ-д танилцуулах гэнэ.

АСЕМ-ын  дээд түвшний уулзалтаас өмнө нийт есөн арга хэмжээ болох учраас зохион байгуулалтын нарийн төлөвлөгөөний дагуу сайн дурын 1000 ажилтан бэлтгэж, хувийн хэвшил, төр төрийн байгууллагын хамтын ажиллагаа оролцоог хангахаар ажиллаж байгаа гэдгийг Бэлтгэл ажлын албаны дэд дарга Б.Баясгалан онцоллоо.

Долоодугаар сард  болох АСЕМ-ын дээд түвшний уулзалтаас өмнө доорх есөн арга хэмжээ болно.
1.Ази-Европын парламентын түншлэлийн есдүгээр уулзалт    – Дөрөвдүгээр сарын 21-22
2.АСЕМ-ын ахлах албан тушаалтнуудын уулзалт                       - Тавдугаар сарын 12-13
3.АСЕМ-ын сангийн сайд нарын 12 дугаар уулзалт                   - Зургадугаар сарын 9-10
4.Ази-Европын хүнсний аюулгүй байдал, фермерийн сургалт – Зургадугаар сарын 20-21
5.Ази-Европын иргэний 11 дүгээр чуулга уулзалт                         -Долдугаар сарын 1-2
6.АСЕМ-ын залуучуудын чуулган                                                     - Долдугаар сарын 6-7
7.Редакторуудын дугуй ширээний наймдугаар уулзалт             - Долдугаар сарын 9-10
8.АСЕМ-ын ахлах албан тушаалтнуудын уулзалт                          - Долдугаар сарын 12-14
9.Ази, Европын бизнесийн 15 дугаар чуулга уулзалт                  -  Долдугаар сарын 13-14