Бельгийн нийслэл Брюсселийн нисэх буудалд бөмбөг дэлбэлсэн хэмээн сэжиглэж байгаа, цагдаагийн газраас зургийг нь тараасан этгээдийн нэрийг тогтоосон байна.

Нисэх буудлын хяналтын камераас авсан гэрэл зураг дээрх энэ хоёр хүн бол бельгийн иргэн ах дүү Халид болон Брахим эль Бакрауи нар гэнэ.

Цагдаагийн газар энэ л хоёр хүнийг нисэх буудалд тэсрэх бодис аваачсан гэж сэжиглэж байгаа юм хэмээн телевизийн RTBF суваг мэдээлжээ.
Үүний өмнө энэ хоёр этгээдийг дээрмийн хэрэгт холбогдуулан шалгаж, нэг биш удаа терроризмд сэжиглэж байжээ. Гурав дахь этгээдийг одоо эрэн сурвалжилж байна.

Халид нь өөр нэрээр Дрис гудамжинд байр түрээслэн сууж байсан гэнэ. Парист  халдлага үйлдсэн хэргээр гуравдугаар сарын 18-нд баривчлагдсан Салах Абдеслам бас энэ дүүрэгт  нуугдаж байсан юм байна.