Францын Засгийн газрын Хөдөлмөрийн хууль оруулах шинэчлэлийн төслийг эсэргүүцэж, 120 мянган хүн жагсаал цуглаан хийсэн тухай “Франс Пресс” агентлаг мэдээлэв. Парисын гудамжинд өнгөрсөн бямба гаригт 18-20 мянган хүн жагссан байна. Хот бүрт өрнөсөн энэхүү эсэргүүцлийн хөдөлгөөний үеэр цагдаагийнхан эмх замбараагүй байдал үймээн самуунд турхирсан 26 хүнийг баривчилжээ.  Цагдаагийн газрын дарга Бернар Казнев “Үнэндээ жагсагчдыг далимдуулж эмх замбараагүй байдал үүсгэхийг хүсэгчид цөөнгүй байсныг илрүүлсэн. Тэдэнд энэ жагсаалын гол зорилго огт хамаагүй байлаа гэв. Сүүлийн өдрүүдэд Францад Хөдөлмөрийн хуульд өөрчлөлт оруулахыг эсэргүүцэн хот бүрт хөдөлгөөн өрнөж байгаа бөгөөд иргэдийн дийлэнх нь ажлын цагийг уртасгах Засгийн газрын хүсэлтийг эсэргүүцэж буй юм.