Японы өмнөд нутгийн Кюсю аралд газар 6,5 магнитудын хүчтэй хөдөлсний улмаас 9 хүн амь алдаж, 761 хүн бэртэж гэмтсэнд эмнэлгийн тусламж үзүүлсэн байна. Газар хөдөлсөн бүсэд түр орон сууц барин, нэрвэгдсэн хүмүүст зайлшгүй тусламж үзүүлж байна гэж Японы Ерөнхий сайд Синзо Абэ мэдэгджээ.

“Амь үрэгдэгсдийн ар гэрийнхэнд эмгэнэл илэрхийлье. Гзаар хөдөлсөн бүсэд хүнсний болон хүмүүнлэгийн тусламж хүргүүллээ. Орон гэргүй болсон хүмүүсийг орон сууцтай болгох арга хэмжээ авна” гэж Ерөнхий сайд хэлжээ.

Чичирхийлэл судлаачид газар хөдлөлийн төв нь Кумамото аймагт газрын гүнд 10 км-т байсан, эхний хөдлөлийн дараа 5,0, 5,7 магнитудын хэд хэдэн чичрихийлэл давтагдсан гэж мэдээллээ.