БНХАУ авлигтай тэмцэх кампанит ажилдаа дахиад нэг шинэ алхам хийхээр шийдвэрлэжээ. Тун ойрын үед Хятадын эрх баригчид өндөр албан тушаалын түшмэлүүдийн гэр бүлийнхэн, төрөл төрөгсдийг хувийн бизнест ажиллахыг нь хориглох шийдвэр гаргах гэж байна хэмээн gbtimes  хэвлэл мэдээлжээ.

Эл шийдвэрт юун түрүү Бээжин, Чунчин хот, Гуандун болон Шинжаан Уйгурын автономит район багтах юм байна.
2015 онд Шанхайд эл шийдвэрийг хэрэгжүүлж өндөр тушаалын албан хаагчдын гэр бүл, хүүхдийг хятадын болон гадаадтай хамтарсан хувийн компанийн удирдлагад ажиллахыг нь хориглосон юм. Үүний зэрэгцээ өндөр албаны хүмүүсийн гэр бүлийнхэн кампани байгуулан бүртгүүлэх, байгууллага аж ахуйн нэгжид хөрөнгө оруулах, хөрөнгийн биржид бүртгүүлэхийг бас хориглох гэнэ.