Сирийн Пальмира хотыг алан хядагч “Лалын улс” зэвсэгт бүлэглэлийнхнээс чөлөөлсний дараа сэтгүүлчид ер бусын аймшигтай сурах бичгүүд олсон байна. rusfact.com сайтад бичсэнээс үзвэл тэр сурах бичгүүд нь Лалын улс зэвсэгт бүлэглэлийнхэн өөрсдийн алан хядах үзэл санаагаа хүүхдүүдэд дамжуулан сургах зорилготой юм байна. Энэ сурах бичгүүдэд алан хядлага, терроризм үйлдэх арга, жишээнүүдийг бичсэн байсан гэнэ.
Энд “Лалын улс” зэвсэгт бүлэглэлд хэрхэн элсэх, яаж алан хядагч, амиа золиослогч болох талаар дэлгэрэнгүй зааварчилга нийтэлжээ. Ийм байдлаар алан хядагчид хүүхэд багачуудын тархийг хар багаас нь угааж байсан нь бага ангийн хүүхдэд зориулсан энэ сурах бичгээс харагдаж байна.
Энэ сурах бичгээс гадна Пальмиро хотод алан хядагчдын эгнээнд элсэхийг уриалсан ухуулах хуудас их хэмжээгээр байсан нь бас илэрсэн гэнэ.