АНУ-ын Ерөнхийлөгчийн сонгуульд Бүгд найрамдах намаас нэр дэвших нь бараг тодорхой болоод байгаа тэрбумтан Дональд Трамп өөрийгөө 70 настай гэж хэлэхийг сонсох ч дургүй харин 35 настай юм шиг төсөөлж явдаг гэжээ. Энэ зургадугаар сарын 14-нд 70 нас хүрэх тэрээр өөрийнхөө талынхантай бямба гарагт уулзах үеэрээ ингэж мэдэгдсэн байна.
Түүний 70 нас хүрэх гэж байгааг тохиолдуулан үзэл бодол нэгтнүүд нь түүнд зориулан “Төрсөн өдрийн дуу” дуулж өгсөн ч тэрбумтан өөдөөс нь инээмсэглэн “энэ тухай сонсохыг ч хүсэхгүй байна” гэжээ. “Би өөрийгөө 35 настай юм шиг л мэдэрч байна. Энэ л надад маш сайхан мэдээ” гэсэн байна.