АНУ-ын ерөнхийлөгчийн сонгуулийн үеэр Оросын зүгээс кибер халдлага үйлдсэн хэмээн америкийн тусгай албад үзэж байгааг шинээр сонгогдсон ерөнхийлөгч Дональд Трамп  хүлээн зөвшөөрсөн гэж түүний туслах, ирээдүйд ерөнхийлөгчийн Тамгын газрын дарга болох Райнс Прибус мэдэгдсэн байна.

“Сонгуулийн үеийн хакеруудын халдлагын ард Орос байсан гэдгийг Трамп няцаахгүй байгаа” гэж Прибус Fox News хэвлэлд ярилцлага өгөхдөө тэмдэглээд “тэрбумтан” хэдийгээр Москватай харилцаагаа сайжруулна гэж мэдэгдэж байсан ч гэсэн  оросын эсрэг арга хэмжээ авна гэсэн байна.
Трамп нэгдүгээр сарын 6-нд Нью-Йорк хотноо америкийн тагнуулын удирдлагуудтай уулзахдаа ийм мэдээлэл өгсөн гэж Прибус хэлжээ.

“Тэрээр тагнуулынханд санал боловсруулахыг дахалгасан. Ямар асуудал байхыг хэлэлцэж байж шийднэ. Магадгй арга хэмжээ авах байх” гэж Трампын туслах хэлсэн байна. Гэхдээ тэр бас Орос болон бусад орнуудтай сайн харилцаатай байхад муу юм байхгүй гэсэн гэнэ.

Америкийн тагнуулын байгууллага сонгуулийн үеэр кибер дайралт хийсэн хэмээн Москваг буруутгасан бүрэн хэмжээний илтгэлээ Дональд Трампад өгсөн юм байна.

“ОХУ-ын ерөнхийлөгч Владимир Путин, оросын засгийн газар Дональд Трампын ерөнхийлөгчийн сонгуульд ялуулахын тулд туслахыг хичээж ажилласан. Мэдээж төрийн нарийн бичгийн дарга асан Хилари Клинтоныг ялагдуулах гэж бүхнийг хийсэн” гэж энэ нээлттэй илтгэлд дурджээ.

Илтгэлд “лалын улс зэвсэгт бүлэглэлийн эсрэг терроризмтой тэмцэх эвсэл байгуулах гэж л ОХУ тэрбумтан Дональд Трампын  сонгуулиар дэмжсэн гээд Москва бас Европт болж байгаа сонгуулиудад ч нөлөө үзүүлэхээр оролддог гэсэн байна.